عبير العابد تحلق شعرها بالكامل تضامنا مع النساء اللواتي فقدن شعرهن
فوجئ متابعو المغنية الشابة، عبير عابد بظهورها أمس السبت، حليقة الشعر من خلال صورة نشرتها على موقع التواصل الاجتماعي “إنستغرام”.
ونشرت العابد على حسابها الرسمي على إنستغرام صور لها بعد حلق شعرها، أرفقتها برسالة جاء فيها: « رسالة مني لكل مرأة أو بنت، كتعاني مع المجتمع لي كيبغي يفرض عليها بعض الأفكار لي هي وهمية و من اختراع البشر و الشعوب ».
وأضافت: « جيت اليوم نتضامن مع راسي و مع أي بنت كذبو عليها فيوم من الأيام وقالولها بلي إذا ما كانش عندك الشعر أنت ماشي مرا، و شحال من وحدة تعقدات أو دارت الزيف باش تغطي أو باروكا، غير حيت شعرها كيطيح، أو حرش، أو مرضات بالسرطان وما قدراتش تقبل راسها قرعة حيت الناس غادي يضحكوا عليها ».
وتابعت: « البنات سمعوني مزيان، سر جمالك هو عقلك، وكيانك، و ذكائك، و مستواك الفكري و أخلاقك، وفلوسك وعملك، وقلبك ونيتك وأهم حاجة ابتسامتك و ثقتك بنفسك.. هادي هي قيمتك، ماشي شعرك، أو جسمك ».
ودعت عابد النساء في رسالتها إلى أن يكن قويات، كتبت « خليك قوية رغم كلام الناس لي ما غادي يفيدك فوالو..
من الآن فصاعدا، سمعي لقلبك، وديري داكشي لي أنت مقتنعة به، مدام ما كيمس الحرية ديال حتى شئ واحد ولا كيخدش الحياء، أما بالنسبة لداك الناس لي غادي يضحكو عليك ما تديهاش فيهم، واش كاين شي إنسان عاقل، واعي وعندو قيمة فالمجتمع، كيعطي رأيه فالناس بلا ما حتى واحد يطلب منه؟؟!!! طبعًا لا، هادوك كلهم ناس حياتهم فارغة عليها كيهتمو بمشاكل وحياة الناس.. آخر كلمة أنت فتاة إذا أنت مركز الكون بشعرك أو بلاش ».
وتفاعل كثيرون مع تصرف العابد، وعبر كثيرون عن إعجابهم بالهدف منه، وبينهم المغني مول البندير، والفنانة لمياء الزايدي، والفنانة جايلان وغيرهم.