طورطة طبقات بالفرماج و عصير الليمون..لذيذة وسهلة التحضير وجد راقية

المقادير
2 بكيات بسكويت ماريا تقريبا 200غ
5ملاعق كبار زبدة دايبة
تنطحنو البسكويت و.نخلطوه مع الزبده ونديروه في المول لي تتفتح من الجناب
ندخلوه للفرن مدة 5 دقائق

الكريم:
250غ جبن فلاديلفيا أو جبلي
2 دانون جوكي
400مل كريم فريش
3 ملاعق سكر كلاصي
3 أبيض البيض
250غ سنيدة
1كأس ماء
4 أوراق جيلاتين
تنضربو الكريم فريش مع السكر كلاصي حتى تصبح شنتيي
نضرب الجبن مع الدانون
في كصرونة السنيدة و الماء فوق النار حتى الغليان للحصول على سيرو نطفيو النار و نزيدو أوراق الجيلاتين المرطبة من قبل
نطلعو أبيض البيض حتى يصبح كالثلج ثم نبداو نضيفو السيرو سخون و منوقفوش من التضراب مدة 10 دقائق للحصول على المورانغ
نخلطو خليط الجبن و الكريم شنتي و المورانغ حتى الحصول على كريمة عاقد نديروها فوق البسكويت تم تدخل للمجمد 4 ساعات

كولي البرتقال:
2 كيسان عصير الليمون البرتقال
2 ساشي فلان شنوا
3ملاعق سنيدة
الكل في كاسرونة حتى الغليان نخليوه يدفى نصبوه فوق الكريم الجامد تزين حسب الرغبة
بالصحة و الراحة.