طورطة بلاموس وكناش الشكلاط

الجنواز:
خديت 4بيضات بدرجة المطبخ طربوهم مع قبيصة الملح وكاس معامرش ديال السنيدة وساشي فاني حتى يولي خليط متضاعف وابيض وزيدوا دقيق تقريبا 200g وخمارة من وزن 8g دقيق وخمارة ضيفوا بالشوية بالشوية وتحركوا بالسباتيل من فوق تحت بشوية ختى تكملوا وخودوا مول ديالكم خويوه فيه والفران يكون بارد ودخلوا الجنواز ديالكم تبرد من الاحسن جناوز تكونوا موجدينها قبل باش ملي تقطعوها متفرتتش ليكم تقطعوها على حساب ليبغيتوا انا قطعتها على زوج .
خديت مول حطيت الطبقة الاولى جنواز وسقيتها بالسيروا وعملت طبقة ديال لاموس شكلاط وزدت عليهم الطبقة مقرمشة درت فيها فويتين وكركاع حمرتوا من قبل وبراليني لمعندوش بلاش وبيموا كيتكات قطعتوا طرفات اي بيموا مقرمش ديروه والى عندكوم اللوز حتى هو ديروه وشكلاط خاص يكون من نوعية جيدة انا ستعملت شكلاط ريش دوبتوا في حمام مريم وزدتوا على خليط ديال فويتين وحركت وعملتوا فوق لاموس وزدت طبقة الجنواز وسقيتها وزدت طبقة لاموس وقديتوا ودخلتوا المجمد حتى تاكدت منوا قبط راسوا وعملت كناش لهو شكلاط الاسود وكريم فريش وزينت اللوز كنكاسي مع جناب وفويتين جات بنبنة البنات ديال تحميرة الوجه قدام الضياف كلشي فدار عجباتوا احسن من حلوة المخبزات