طريقتي لي كتهنيني من تكراد الربيع ساهلة و فعالة والبنة هي هي..جربيها غتولي طريقتك المعتادة

سلام عليكن حبيباتي ،،

اليوم تفكرت نقول ليكم طريقتي في الاحتفاط بالربيع اللي كتهنيني و كنستعملها في جميع الاكلات يعني ما كيوليش متلج و قاسح كيف الى قطعتيه و حطيتيه في الفريكو عادي الطريقة هي :

غسلي الربيع و حطيه على سربيته حتى ينشف و حطيه في شي شبكة او بلاطو و دخليه الفريكو حتى يتجمد هكاك و هو عواد

و من بعد حطيه في الربو معرفتش واش ممكن خلاط عادي يكردها و لا لا،،، كنظن ديال 123 تقدر تقضي الغرض الى قطعتيه شوية اصغر انا خليتو كيف هو قطعت ليه غير التحت

خاصك تطحنيه و هو متلج بسرعة باش ميدوبش الماء اللي فيه و يبقى ليك على شكل غبرة 

مللي كتجي تستعمليه كيكون مفرق ماشي مجمد كيف الى كردتيه و حطيتيه في الفريكو بطريقة عادية هاهو مللي جيت نستعملو اليوم مازال مجمد كيف الى عاد صايبتيه غير الى استعملتيه رجعيه دغيا باش ميوليش كيف الحجرة 


هادشي كولو غير باش متعذبيش كل نهار قطع يا متقطع كنشري خمسة الربطات من المعدنوس هو اللي كنخدم اكتر و كنكردو في الروبو و كنتهنى و البنة كتبقى هي هي

قد يعجبك ايضا
اترك تعليقا