طريقتي في تخزين الدجاج مؤكد ستعجبك
السلم عليكم اخواتي .
جيت نشارك معاكم طريقتي فتخزين الدجاج
كنشري الدجاج بالكثرة يعني 4او اكثر.
بعدما يتغسل ويتقطر كنعزل الكبدة بوحدها والكناصي والقلوب بوحدهوم نديرهم مع العجائن
اونطيبهم بوحدهم.
نفس الشيء بالنسبة اللاعناق.
الفخاد والطروفا لاخرين نشرملهم ونستفهم في بلاطو ويدخلو للمجمد.
الجناوح يتشرملو ويدارو في البيض ولا شابلير ويتجمدو بوحدهم.
الصدور كنقطع منهم شي قطبان وشوية الكفتة ونقدر نخلي شي وحدين صاينين.
طبعا كلشي تدار ليه العطرية ويتجمد.
العظام الي بقاو من الصدر كنديرهم يغليو مع العطرية والربيع والكرافس والثومة وخيزو ونحيدهم
ونخلي السئل يتبخر ويتركز وملي يبرد نخويه في مكعبات الثلج وهانا حصلت على ضامات البنة
طبيعية وصحية.
هادوك العظام كنلقى فيهم مازال شي بركة ديال اللحم كنديرو شي حشوة مثلا المهم تاحاجة
ماتضيع.
نتمنى نكون فدتكم