طريقتي فتحضير زيت الخيار لتصفية البشرة وإزالة حب الشباب والبقع بكل أنواعها

كلنا كنعرفو الفوائد ديال زيت الخيار على البشرة و الشعر فزيت الخيار كيعطي نظارة للبشرة و كيصفيها و كيقوي الشعر ادن متردديش فطريقة تحضير زيت الخيار هي سهلة وبسيطة و غير مكلفة كتحتاجي فقط زيت الزيتون و خيار لتحضير زيت الخيار في البيت.

نبداو على بركة الله بالحاجة المهمة و الأساسية في صنع الزيت و هي تعقيم القراعي أي قرعة عندك الكونفتير أو ديال الدواء غسليها و غليها فالماء هي و القفايل ديالها و ديريها تنشف فوق شي سربيتة و هاذي هي العملية المهمة خاص القراعي ينشفو ما تبقا فيهم حتى قطرة ديال الماء خليهم يتسقطرو بحدهم يعني بلا متنشفيهم و حاولي متقيسيهمش من لداخل بديك أو بشي حاجة.

دابا إن شاء الله نمرو لزيت الخيار حيت ساهل تنحتاجو لقرعة معقمة و خيارة و كاس ديال زيت الزيتون و تنشدو الخيارة و تنمسحوها مزيان ما تبقا فيها حتى قطرة الماء و نقطعوها شرائح رقيقة و نديروها فالقرعة و نزيدو عليها الزيت و نخليوها أسبوع فمكان مظلم و كل نهار نحركوها مزيان و من بعد نصفيوها ، و بهاكا غادي نحصلوا على زيت الخيار كبيعي مئة بالمائة.