طريقتي بطياب الدجاج المدغمر عطاتهاني واحد الطباخة محترفة كيجي واااعر ومحمر مزياان

لسلام عليكم ورحمة الله وبركاته
انا اليوما غنعطيكم طريقة تحضير الدجاج محمر بحال ديال العراسات تماما كيفما تعلمت ليها كيجي كيحمق فقط يحتاج إلى التطبيق
دجاج كتنقيه بلمحة مزيان كنحيدي كاع شمحة لي بين لفخاظ وكولشيكنقيه ومن بعد نغسلو ونحطو بانيو ونزيد عليه شوية تاع الملح وعصير الحامض ونخاليه شي نصف ساعة
ومن بعد غسليه مزيان أوعصري عليه شوية تاع الحامض مع قطرات الخل أوخاليه ينشف ويطحط فكونجيلاطور ديري شرمولة وتبيتي فيه شرمولة حتى لصباح عاد كطيببيه كيجي بنين الى بغيتي يجيك دجاج زين
كنشدي بصلة صغيرة ونزيد عليها معدنوس شوية وثومة وقلب لمصير نحيد منو جلوفة
شوية تاع الماء باش يطحن لينا فمولينيكس ونحط فطبسيل ونزيد عليهو خرقوم ملون
وقعقلة وبسيبيسة او حسن حاجة تاخذي المروزية ديال الدجاج كيعطيها ليك العطار كتكون مخلطة
بغيتي ديري كنور ديريه لكن إلى بغيتي ديريه متكتريش سمن وشوية تاع ماء درت شوية تاع ماء تاع لبزار سكنجبير وخلطي كولشي مزيان وشرمليهم مزيان وبين لفخاذ شرمليها كنقعدي رجليها بلخيط ونحطها ونحطهوم فثلاجة حتى لصباح
فاش نبغي نطيبهوم كنديرهوم فكاميلة وعفسي على صدرهوم شوية او تقبي صدرها بلقطيب تاع شواية باش يدخل طياب فيهوم وزيدي عليهوم شوية شوية من توايبل لي درت قبل وشوية تاع سمن وربعة تاع بصلات مشلطين مزيان
ودري لماء فطنجرة وديري زيت من فوقهوم شوية تاع العادية وشوية تاع زيت العود وزعفران شعرة والغطاية تاع طنجرة عوجيها باش ميطرطقش ليك دجاج
وخاليته نصف ساعة تقريبا على كرشو وقلبيه تاني على ظهرو منين يطيب حيديه وجيبي ديك البصلة لي فطنجرة خويها فشبكة أوحكيها حتى تحك مزيـــــــــــان ورديها لطنجرة
ورمي فيها كبيدات وكنيصات وعنوقة إكون مقطهين طريفات غار أو صالقاهوم فلما ونص حامضة وتوايبل لي درت غي قريصة من كل حاجة وخاليهوم حتى يطيبوو
ودجاج قليه فزيت رشي في الزيت قطرات من الخلاو ملحة غي شوية وصافي
كيجاكوم نتمنى يعجبكوم هادي طريقة مجربة فدجاج
هاهو دجاج محمر بحال تاع لعراسات
تقدري ديري الفريت وديري الزيتون
أو طريقة التحضير نتي وذكاءك حاولي ديري شي طريقة دال التحضير عبقرية وجديدة
وبالصحة والراحة.

طريقتي بطياب الدجاج المدغمر عطاتهاني واحد الطباخة محترفة كيجي واااعر ومحمر مزياان طريقتي بطياب الدجاج المدغمر عطاتهاني واحد الطباخة محترفة كيجي واااعر ومحمر مزياان طريقتي بطياب الدجاج المدغمر عطاتهاني واحد الطباخة محترفة كيجي واااعر ومحمر مزياان طريقتي بطياب الدجاج المدغمر عطاتهاني واحد الطباخة محترفة كيجي واااعر ومحمر مزياان طريقتي بطياب الدجاج المدغمر عطاتهاني واحد الطباخة محترفة كيجي واااعر ومحمر مزياان

قد يعجبك ايضا
اترك تعليقا