طريقتي باش تكونجلي الربيع الثوم و الفواكه

السلام عليكم ورحمة الله وبركاتة
الغزالات هادي فكرة بسيطة تانطبقها مع الحاجات لي تانبغي نحفضها فالكونجيلاتور
و يسهال عليا نجبدها و قتما حتاجيتها بالكمية لي نبغي بالا مانديكوجلي اكثر من لي غنستعمل
انا شخصيا تانطبقها مع الربيع قزبور و معدنوس
الكرافص الثومة و حتا الفواكه الموسمية
بحال الفريز و الخوخ مشماش و غيرو…
الطريقة بسيطة
بالنسبة للورقيات الربيع و الكرافص تنقيه و نغسلو و نشفو و نقطعو و نديرو فالمكعبات ديال الفريكو الخاصة للثلج
و نفس الشيء بالنسبة للثوم تنقيها و ندقها او نطحنها و نديرها حتا هيا فمكعبات الثلج
و بنفس الطريقة تانحافظ على الفواكه الموسمية بحال الفريز او المشماش ….
ملي تايكون كثير و رخيص تناشري كميات وافية
و نغسلو مزيان و نديرو يتطحن بلا ماء او سكر غير وحدو
و نوزعو فالمربعات ديال الثلج

بعدها تاندير البلاكيتا ديال المربعات فالفريكو و نخليه يتكونجلا
و من بعد ما يتكونجلا نجبدها و نحيد المربعات و نحفظهم فبلاستيكة او علبة
و نردهم للفريزر و وقتما حتاجيتهم تانجبد على قد حاجتي
و بالنسبة للفواكه تاتنفع فوقت لي تاتبغي ديري عصير او طرطة …و متيكونش وقت الفاكهة الموسمية متوفرا فسوق

فتتكون متوفرة عندك نتي فاي وقت

نتمنا تعجبكم الفكرة و طبقوها





قد يعجبك ايضا
اترك تعليقا