طريقتي السرية فتشرميل الحوت.. تخلي كلشي ياكل صبيعاتو
اليوم بغيت نشارك معاكوم سري فتشرميل الحوت كيجي بنيييين بزاف متشبعيش منو
اولا كنوجد شرمولة المغربية للكل كيعرفها
-ربيع ثومة انا هاد المكونين وكيف ما ذكرت فالعديد من المواضيع كيكونو ديمة عندي فالثلاجة على شكل خلطة لسبقلي حطيت فموضوع مستقل ها هو الربط ديالو تن
ديري هاد الخلطة وضربي عصفورين بحجر واحد
– العطرية ولهي عبارة عن كمون وسكنجبير وتحميرة والملح
بالنسبة للتحميرة فانا مكنستعملش التحميرة لمتوفرة فالاسواق لكن كنستعمل تحميرة خاصة من صنع ماما اساسها الفلفلة خمرا (كتعطي مداق رائع للاكل وبالنسبة ليكوم انا نصحكوم فشرمولة الحوت زيدو فلفلة حمرا مشوية وغتلاحظو الفرق في الطعم ان شاء الله )
-وزيت الزيتون
والسر لكنزيد هو مطيشة الحك والقليل من صوص الصوجة دبا نخليكوم مع الصور
هادي الشرمولة من بعد ما طحنتها (فاش كتطحن العناصر كتنساجم مزيان حسن من الدقان فالمهراز)
ونبدا باضافة المكونات لمبقاتش سرية هههههههههه
مطيشة الحك
صوص الصوجة
قبل القلي كل واحد فاش كيفضل يدوز الحوت بالنسبة ليا انا كنفضل الدقيق الاصفر اي سبسيال وبالصحة والراحة.