طريقة صنع فوط صحية منزلية رائعة…قولي وداعا ل أولويز المضر بالمنطقة الحساسة
أخواتي، كلنا تا نعرفو بللي أولويز خطرة على الجلد خصوصا أن هاديك المنطقة هي المنطقة الأكثر حساسية في الجسم، لهذا يجب لبس ما هو قطني و ما هو مصبن بصابون الحجرة،و هاديك المادة الماصة راه ما عرفناها أشمن مواد فيها و حتى الماركات لوخرين، راه حنا ما عارفينش كيفاش و باش مصاوبين
قلبت في النت لقيت ليكم يا لحبيبات طريقة زوينة بزاف لخياطة الفوط الصحية، ما نكرهش تولي عندنا صناعة هاد النوع من الفوط في المغرب
هذا هو الموديل
هذا هو الباترون, تقدر تزيد أو تنقص الطول على حسب غزارة العادة الشهرية
تلصق زوج قطع ديال القطن على هذا الشكل أو أكثر على حسب الرغبة و على حسب كل وحدة كيفاش تا تجيها العادة الشهرية إلى كانت غزيرة نكثر الطبقات و تخيطها على الشكل الداخلي ديال الفوطة على القطنة لي غادة تكون منها للمكان الحميمي تا تجي هكذا و تخيطها على الواجهة الأخرى يعني الجهة الخارجية تايكون ثوب أي نوع زعما ديال تفركيس
و نخليو بلاصة ديال الفتحة باش نقدر نقلب الفوطة و تقطع الحواشي و تقلبها و تدوز الخياطة الخارجية ديال الحواف و أيضا الشكل الخارجي ديال الفوط اللي تا نلقاو في المتاجر و تخيط باليد نثى و ذكر على جناب بهاد الشكل و ديرهم فصاك ديال الفوط ديالك و بالصحة و الراحة
