طريقة رائعة لتخزين المسمن في المجمد…فحال عاد صايبتيه
لدينا اليوم طريقة الاحتفاظ بالمسمن فالمجمد
كنستعملو الفينو والفورص نفس القياس والملح وخميرة الحلوة ومعلقة سكر ونعجنو مزياااان .ونغطيو العجين بعدما دهناه بزيت ببلاستيك غدائي مدة نصف ساعة او ساعة .
ونديرو كويرات صغار ونغطيوهم ربع ساعة حتى اطلقو .ونبداو نورقو مزياااان ونرشو بالزبدة والسميدة رقيقة ونحطو فالبلاطو حتى نساليو كولشي .ونديرو جوج مقلات ونبداو نبسطو المسمنة غير تبان بدا اتبدل لونها ونقلبوها دغيا ونعاودو الجيهة الاخرة حتى نساليو .المهم المسمن اطيب غير نص طيبة ابقى بيض .ملي ابرد نديروه فالمجمد .ملي كنبغيوه كنكملو ليه طياب وكيجي بحالا يالاه كيف واجد