ضلعة الغنمي معمرة بالشعرية الصينية و اللحم و الفرماج

هاذ الشهيوة مقدمة من الاخت ام رياض من منتدى أناقة مغربية.

هذي طريقتي فتحضير الضلعة معمرة و مشوية كتجي لذييييييييذة حيت مفيهاش العطرية بزاف و هذا هو سر لذتها حيت الشواء لي كيدار في الأفراح كيعملوله غير الملح داكشي باش كيجي بنييييين حيت الغنمي هو بحده بنين و العطرية كتغطي على بنت اللحم .

المقادير :

ضلعة غنمي من الأحسن يكون صغير أنا خديتها كان و زنها فيه 2 كيلو و نصف
300g شعرية صينية ( كنرطبها في ماء مغلي بيه ملح و إبزار من بعد نصفوها و نذهنها بقليل من زيت العود و نقطعها )
300g قطع من هبرة لحم الخروف
6 قطع جبن مثلث
1 م ك زبذة
1 م ص سمن
معدنوس مقطع
2 فصوص ثوم
ملح
زعفران شعرة
قليل من الإبزار
قليل من الخرقوم
قليل من السكنجبير
قليل من بدرة الثوم المجفف
قليل من بدرة البصل المجفف

الطريقة :

نأخد الضلعة و نفتحها كما في الصورة

نخلط الزبدة مع السمن و الملح و قليل من الإبزار و قليل من زعفران شعرة و نذهن الضلعة جدا من الداخل

في إناء نضع قطع اللحم ثم نضيف إليه الثوم المحكوك و المعدنوس المفروم و التوابل غير شوية من الجيه مخاصش العطرية تكون كثيرة و نخلط جيدا.

ثم نضيف الشعرية الصينية و نخلط الكل مع بعض

ثم نضيف الجبن مقطع أطراف و نخلط

ثم نحشه الضلعة بالحشوة المحضرة من قبل

و نخيط الضلعة بخيط المطبخ

بعد ذالك نقوم بذهنها بخليط الزبدة المتبقي الذي دهناها به من الداخل من قبل نذهنا من تحث

ثم منفوق ثم نضعها فوق طاوة مغطات بورق السلفيريزي

ثم نغطيها بورق السلفيريزي جيدا

ثم نلفها بورق الأليمنيوم جدا و نضمن أنه لا يخرج الهواء

م ندخلها لي فرن ساخن على درجة 180 درجة لمدة 2 ساعات على حسب حجم الضلعة أنا استغرقت 2 ساعات و كانت جاهزة و فتية بعد ذالك نزيل الورق عنها و نتركها تتحمر أي حتى تاخذ لون ذهبي أنا من عريتها جبرتها محمرة خليتها غير شوية و حيدتها

من بعد نزينها باش مابغينا و نقدمها مرفوقة بالملح كامون موتارد كيتشوب بطاس مقلية ، سلطة ، أو خضار مبخرة حسب الرغبة

و تقدم بالصحة و العافية.