صاحبة الوصفة تقول: كيطيح ليكوم الشعر بكثرة دخلي عندي ليك الحل باذن الله

اهلا وسهلا و مرحبا بكم من جديد متابعينا الكرام على موقع لالة سناء بالنسبة الى كان كيطيح ليكوم الشعر بكثرة دخلي عندي ليك الحل باذن الله هذا ماتقوله صاحبة الوصفة ابقو معها و اكتشفو هذا الحل الطبيعي .

كيطيح ليكوم الشعر بكثرة

كيدايرين يا الحبيبات اكيد انكم بخير الموضوع باين من عنوان كثرو الشكايات حول سقوط الشعر ولاكن عندي ليكوم الحل باذن الله وهو من تجربتي مئة بالمئة الدي هو زيت العود والثوم كتاخدي نصف لتر زيت العود كديريه ادفى وكتزيدي عليه 100 غرام ثوم مشقق بالسكين كديريه فشي قرعة كتحطيه فشي بلاصة بعيدة عن الضوء والرطوبة 15 يوم من بعد كتجبديه كدهني بيه شعرك قبا مدوشي ب30دقيقة ولاكن ليدارتو متقربش لراجلها راه غادي اطيح فالبلاصة لان الثومة ريحتها مجهدة ولاكن كيكما كيقولو لي بغا الزين اصبر لقرسة النحلة حبيباتي الطريقة افادتني بزاف وبغيت نفيدكوم بها دمتم في حفظ الله.