صاحبة الوصفة تقول: ترطيبة للشعر المجعد والاكرد مجربة اذخلي… ولن تندمي

ترطيبة للشعر المجعد والاكرد مجربة اذخلي… ولن تندمي

اهلا و سهلا سوف نقدم هذه المرة طريقة عمل ترطيبة للشعر المجعد والاكرد مجربة اذخلي… ولن تندمي لان هذه الترطيبة مجربة من طرف العديد من الفتيات و هذه التجربة التي نقدم نحن اليوم هي لاحدى الفتيات التي ارادت مساعدة كل من تعابي من مشكل الشعر الاكرد او المجعد ابقو مع التجربة و استفيدو منها .

ترطيبة للشعر رائعة ان شاء الله : كاس الروز مصلوق في جوج كيسان الماء غير تشوفي الماء نشف طفي عليه يعني
يبان لك طاب مزيان ضيفي عليه

بيضة كاملة
شوية الحريكة سواء يابسة او طرية
2 معالق زيت العود
2 معالق زيت الذرة او زيت الجنجلان
ديري كلشي في الطحان الكهربائي غادي يكون عندك بحال شي كريم ثقيل بحال قوام
الترطيبة الكيماوية دهني شعرك بالزيت ومشطيه وفرقيه على جوج ومن بعد بداي تهزي من الكريم ودهني وتتجبدي بحال الترطيبة وعاوني بظهر المشطة الطويلةما تمشطيش ملي تكوني تديري في الترطيبة
وانت تتجبدي ومن بعد خلي واحد الشوية باش تعاودي به في الاخير باش يسهال عليك دوري الباتشا عادية بلا فيليلات ودهنيه من الفوق بزيت العود وغطيه وبفوطة فازكة في ماء سخون اوديري زيف وخليه هكاك مدة ساعتين من بعد تغسلي شعرك اول شيء غادي تكبي عليه شوية الماء وبداي تماسي فيه غير بالمهل وانت تتكبي في الماء حتى تزولي المساك كلو وملي صافي تشوفي الخلطة كلها زالت ديري الشمبوان كما قلنا في شوية الماء وبداي ديري جهة بجهة
وغسلي شعرك مزيآآن ومن بعد تكون معاك قرعة فيها منقوع البابونج والحريكة كبيه على
شعرك قبل ما ديري الصابون وفي الاخير شلي شعرك وملي ينشف دهنيه ودوري لو الباتشا وعاوديها للجهة الاخرى وها شعر حرير كل اسبوع ديريه وفي ظرف قليل غادي تنعمي
بشعر رائع.

وبالصحة والراحة