صاحبة الوصفة تقول: تبريمة العروسة الصحراوية هيا الى تدير اسبوع قبل العرس

تبريمة العروسة الصحراوية هيا الى تدير اسبوع قبل العرس

التبريمة الاولى.معلقة كبيرة الروز مطحون بحال الطحين+معلقة كبيرة دقيق الزرع+1 فرمجة +واحد جرفى+عصير الحامظ+معلقة كبيرة نيدو+2معالق ديال الديكاباج الى بغيتى تزيديه الى متجمعش ليك الخليط زيدى شوية ديال مآلورد ويكون تقيل شوية ماشى سائل.

طريقة كدهنى الجسم ديالك وغير انشف منخليهش اقساح نبرموه وهادا هو السر يعنى كتحكيه ومنبعد ممكن تغسلى وتبعيها حتا تبان النتيجة ومن المرة الاولى تيبان الفرق.

وملى تغسلى وتنشفى دهنى بزين اللوز وزيت جنسون.

التبريمة التانية.2 فرماجات+3 معالق كبار نيدو+عصير واحد حامظة+معلقة كبيرة خميرة العجين ممكن تزيدى صفار بيظة .

كتخلطى كلشى مزيان ودهنى بيهم الجسم وتسناى حتا انشف وتبدار تبرمى وغادى ابان ليك الفرق وممكن دوشى منبعد.

التبريمة الثالتة. 2 معالق الروز مطحون+2معالق دقيق الزرع+2معالق الديكاباج نمرة 6+فرماجة+جرفى+نص كاس دانون مسوس +2 معالق نيدو وكتخلطى كلشى وكدهنى بيه الجسم وتلبسى شى بيجامة دبال الدار وباتى بيها حتا الغد وغسلى وتبعيها 3 يام وغيبان الفرق.

التبريمة الاخيرة والى كنعتبرها الافظل حيت كتعطى نتيجة زوينة .فيها 2 صفار بيظ بلدى +2 فرماجات +كاس صغير نيدو + كاس صغير دقيق الزرع الى بغيتى غتزيدى الديكاباج ودهنى لحمك كامل ونبداو نبرمو بيدينا وكيبان الفرق والبياظ كيدوم وبصحة.