صابون للتصبين عجييييب من صنع يدي و بالصور….تفضلوووووا
جربت هاد الصابون من شحاال هادي وعجبني بزاااف من تما مابقى كيخطاني وقلت نوريه لكم ادا عجبكم حتى نتوما تجربوه
المقادير
بكية ديال اومو
وصابون الكف
ومعطر الملابس
و 3 لتر ديال الماء الغلياااااان
الطريقة
فشي سطيلة نحكو صابون الكف بالحكاكة من الجهة الغليضة
ونضيفو عليه الماء طايب ضروري يكون غليان
ونحركوه باش يدوب الصابون تماااما من بعد نزيدو المعطر شحال ما بغينا
تم نضيفو اومو بكية كاملة وحنا كنحركو عتلاحظو القوام ديالو بدا كيتماسك صافي نخليوه يبرد غير مرة مرة نحركوه باش مايهبط الصابون لتحت
صافي من كيبرد كيتماسك مزياان كتصبح عندنا عجينة ديال الصابون هنا فالصورة راه باقي مابردشي تماما
كنصبن به كلشي وكيخرج الحوايج
وكنعملو حتى المكينة بالاضافة لصابون ديالا
واذا كانت شي حاجة مطبعة شوي منو مع الما دافئ وخليها من بعد رجع لها دغيا تزول وكيخلي الحوايج رطبين
نتمنا يعجبكم