شوفو كيفاش حيدات الرؤوس السوداء بكل سهولة…وصفة موثقة بالصور

هذه فرنسية دارت هاد الوصفة ووثقاتها بالصور

المكونات

حليب
جوج وراق جيلاتين
إناء كيدخل للميكرو اوند ولا الفرن الا ماعندكش
شيتة باش كديري الماكياج تكون نضيفة طبعا حيت راهم كيهزو الباكتيريا الا ماتغسلوش
و الجيلاتين يكون بدون نكهة

الطريقة

قسمي اوراق الجيلاتين الى قطع ثم الحليب عينك ميزانك ماتكتريش بزاف حيت غايذوب الجيلاتين باش يعطيك قوام كريمي
ديري حمام بخار لوجهك باش يتفتحو المسام
ديري الخليط 15 ثانية فالميكرو اوند طبعا فالفرن غياخذ وقت اكثر
غير تلاحظيه بدا ييتقال خرجيه
ديريه على وجه بواسطة الشيتة ديالك غير المناطق فين عندك الرؤوس وخليه شي 10 دقايق المهم حتى ينشف
وزوليه
وبعد غسلي وجهك باش تحيدي البقايا و رطبيه
نكرر ماديريش الماسك على وجهك بيديك حيت كتكون فيها البكتيريا و الشيتة تنظفيها مزيان ماشي وقلبو على طرقية التنظيف
وباش تفاداي هاد المشكل ديال الرؤوس لانه كيكون فالمناطق الدهنية
احرصي ديما على نظافة وجهك صباحا و مسا ء بالاضافة للتقشير المهم العناية الكاملة
وايلا مادرتيش حمام البخار راك شي مادرتيه لانه المسام خاص يتفتحو و غتكون الوصول للرؤوس السوداء اسهل

راه  تقريبا ڭاع المساكات و المنتجات كيخدمو بنفس المبدأ تاهما كتلقايهم على شكل جل كيكرم وكتحيديه او باتش كتلصقيها وتحيديها وتقدرو تعاونو بداك لو تيغ كوميدون الخاص بالرؤوس السوداء