شوفو باش كنحدد الحوايج والنتيجة سهولة فالكوي وريحة طيبة وكايجيو واقفين بحال يلا خرجو من عند الصبان

سلام حبيباتي شكون لي كيفقصها تحديد الملابس بحالي ؟؟؟

ههه والله البنات مضحكوش عليا راه هاد المهمة كتقنطني

داكشي لاش شفت فواحد الطريقة وجربتها ونفعاتني وقلت والله حتى نجي نفيد حبيباتي ونهنيهم

اوا الطريقة ساهلة حبيباتي ما عليكم غير تبعوا هاذ الخطوات لي غنقولكم

كاناخذ ملطف الأقمشة ملعقة كبيرة فلتر ديال الماء وكانعمر بيه الخزان ديال المكواة

والنتيجة سهوووولة فالكوي وريحة طيبة تدوم وتدوم وتدوم ههه

وبالنسبة للحوايج البيضين بحال القوامج والمنادل والطابليات كنزيد فنفس اللتر ديال الماء ملعقة كبيرة مايزينا

كايجيو واقفين بحال إيلا خرجو عند الصبان

غير جربوها على حسابي البلاصة لي دوزتيها ما بقيتي تعاوديها يعني اقتصاد هائل فالوقت والطاقة والحوايج كيجيو روعة
ونتمنى نكون فدتكم حبيباتي
قد يعجبك ايضا
اترك تعليقا