شوربة الدشيشة الساخنة ديال جدتي بالثوم والاعشاب المفيدة والمنسمة

زلافة الدشيشة مغسولة ومصفية + الماء الي يكفي باش تطيب
ملح +ملعقة زيت الزيتون + 2 عواد فلايو + 2عواد السحتر + توم حسب الدوق تقريبا 5 فصوص توم بقشرتهم + ملعقة سكنجبير + ملعقة خرقوم +رشة ابزار+كرافص

كنعملو الما يغلى ونضيف عليه الزيت والملح والاعشاب ولتوم بقشرته مضغوط فقط وباقي التوابل والكرافص عواد لاوراقه صحيح ونخليهم يغلاو واحد 10 دقايق على عافية مهيلة
اما تزولو الاعشاب المنسمة عاد تضيفو الدشيشية او تعملوها بلا ما تزولهم حسب الرغبة انا كيعجبوني يطيبو مع السوبة ولكن اولادي ما كيبغيوشي يحسو بشي حاجة ف السوبة متل اوراق السحتر او فلايو لهدا كنحيدهم عاد كنضيف الدشيشة

نخليها تطيب مع التحريك مرة مرة وادا نقص الما نزيدو لها باش ما تلصقش لينا ف قاع الطنجربة وتحرق خصها تبقا فيها الما الكافي باش تطيب مزياااان وتعسل

قبل ما توجد كننحك شوييية السحتر بين يدي و كرافص مقطع رقيق وبعدها ب 5 دقايق كنطفي وها سوبة واجدة ولديدة يا سلام
ممكن تضيفو ملعقة صوص الطماطم او طريفات الدجاج حسب الربة انا كنفضها هاكدا بدون هاد الاضافات الاخيرة

وبالصحة والراحة

شوربة الدشيشة
شوربة الدشيشة
قد يعجبك ايضا
عرض التعليقات (1)