شهيوة بالبطاطا سهلة و خفيفة و سريعة التحضير

شحال من مرة كاتبقا ليا الڭرعة خضرا فالتلاجة ماكالقا ماندير بيها، بالنسبة عندي فالدار هي غير مرغوب فيها ههه ولكن بهاد الاكلة كياكلوها بلا مايحسو
المهم الوصفة خفيفة ضريفة وتنفع للديباناج كاتوجد فأقل من ساعة
مين يشتري ههه

>> 4 بطاطات أو أكثر حسب عدد الاشخاص
>> بصلة
>> 3 ڭرعات خضرين أو أكثر
>> نصف فلفلة حمرا حلوة
>> الكفتة أو دجاج أو ليبغيتو
>> المعدنوس ملح ابزار شويا سكينجبير خرقوم تحميرة زيت بلدية فرماج أحمر أو ممكن تعويضه ببيضة مخفوقة
نردو البطاطا تسلق بقشرتها
كانشلضو البصلة + ملح + ابزار + خرقوم + تحميرة + زيت العود + معدنوس
ونخليوهوم يتشحرو شويا
نزيدو بالتتابع
الفلفلة حمرا مقطعة صغيرة
الكفتة بقوامها
ثم الڭرعة خضرا

نخليو كلشي يتشحر على نار مهيلة ومرة مرة نحركو وندوقو هههه
ملي نطفيو عليها كاتكون البطاطا تسلقات نقشروها و نمعسوها بالفورشيط مع
فرماجة+شويا زبدة+ملح+خرقوم+شويا زيت العود
نسرحوها فالمول مدهون بالزبدة
نديرو فوقها الحشوة
نديرو فوقها فرماج محكوك ولي ماكيبغيهش يعوضو ببيضة مخفوقة حتى هي كاتجي لذيذة
ثم إلي الفرن غير على مايدوب الفرماج كلشي طايب
وبالصحة والراحة
ماتنساونيش من شي دعيوة زوينة ولو فخاطركم