شريتي أو بنيتي دار جديدة وحايرة كيفاش تفرشيها…دخلي نعاونوك لالة
السلام حبيباتي كيف عاملين
ان شاء الله تكونو بخير المهم
اكتيرية كنا عندو الشقه صغيرة و كيبغي تكون متولة و زوينة و مكاينش ما حسن من البساطه لذلك كنقتارح عليكم بعض الافكار نتمنى يعجبوكوم
نبداو بالصالون
كتيرمنا كيدير الصالون عامر بالاتات و الطلامط مغلوقين و نفس اللون ديال الخامية و كدخل كتجيك الدوخه
علاش منتبعوش قانون البساطة في كل شيء
تبعو معايا هاد النصائح
الصالون بما انه مغربي ختاروليه صباغة العنبره هي صحيح غالية لكن ماكاديموداش و كتجي شيك يكون اللون كريمي باش يتواتا مع اي لون
هنا غانشوفو موديلات الطلامط
داكشي اللي فيه الزواقات بزاف ولا ديمودي
ختاري طلامط من الموبرة فلون موحد و الخدادي ديري الوان مختلفة باش تكسري الملل و ادا عجباتك شي طلميطه فيها الزواق ديريها خدادي
شوفي الصور
ندوزو للريدو او الخامية
ماكاينش ماحسن من خامية عادية و شفافة باش دخل الضو للدار و هنا الخامية ممكن تكون ف 3 الوان
ابيض – كريمي – بيج – غوو بااارد على حسب كل وحدة و الفراش ديالها بلا ديك كترة التعلاق و الروينه حيت كتعب العين
تيقو بيا ادا درتو شي لون اخور او ريدو موبرا الديكور غايضيع و يجي غير متناسق
الصور
دابا ندوزو للزربيه
ختارو زربية موديرن فلون الخدادي يعني مخالفة على الطلامط باش متخنقش الديكور
شفتي ؟ شهوه منهوم اولا ؟
دابا التريات
و فالاخير la nape تكون فلون الخامية باش تعطي الضوء تاهي
وتكون خفيفة بحال هاد الشكل
