شرمولة بنينة ولذيذة و اقتصادية في الوقت و في المصروف لجميع الأكلات

السلام عليكم و رحمة الله
قبل منقول المعلومة الخطيرة الي عندي و الي عتقاتني بزاف بحكم عملي
بغيت نعتدر لعدم امكانيتي لوضع الصورة و غادي نحاول نتعلم مزيان نحط الصورة و عندي لاباراي و لكن مزال منعرف نحط الصورة

المهم

المعلومة الخطيرة هي للموظفات و حتى لربات البيوت الي محتاجين للوقت بزاف *** و للامانة أختي في الله عطاتني الفكرة و انا جربتها و نشرتها بين أحبابي
و راه كيعتامد عليها طباخين كبار في بوليفيا حيت اخ زوج صديقتي هو صاحب الفكرة و هو طباخ في بوليفيا و الشرمولة متخطى داره و لا دار كل وحدة بغات توفر الوقت…

في آخر الاسبوع كناخد البصل كثيرة و الربيع حتى هو كنطحنهم في المولينيكس و لا نحك البصلة و نقطع الربيع المهم بكمية كثيرة و نحط عليهم العطرية الي مولفة كل وحدة تطيب بيها
يعني الخرقوم و البزار و التحميرة و السكنجبير و… العطرية الي مولفة في المرقة ديالك و حتى هي بكثرة قياس البصلة و الربيع مع الزيت حتى هي قيمة ديال كاس كبير و خلطيه مزيان بمعلقة حتى تزانس الكمية مع بعضها و ديريها في ميكات الاكل و لا في كيسان ديال الميكة جوطابل و غطيهم بالألومنيوم و حطيهم في الكونجيلاطور.

ملي كتبغي تنصبي المرقة ولا أي حاجة حطي الكاس و زيدي قيمة معلقة ديال لزيت و اللحم و خضري و الشرمولة كتجي بنينة روعة و المرقة خاترة و مكدير البصلة لا ريحة و لا حتى حاجة و مكتخسر موالو و مكدرش و بترجبة شخصية ديالي و ديال الوالدة و اخواتي و صحباتي الموظفات و هاني وصلت ليكم هههههههههه

الصاحة كتجي لذيذة و اقتصادية في الوقت و في الوقاف قدام العطرية .

جربوها و ردو علي الخبار و راني دايرة حتى شرمولة بالمطشة على حساب الحريرة و الطبيخ بصفة عامة ( مقرونة – محمة شربة …)

واحد الاخت جربات الشرمولة و خلاتها غير في قابسة بلاستيك في الثلاجة في الاسفل مدة 20 يوم و مخسرات موالو و الله على ما اقول شهيد

دعيوة عن ظهر قلب ربي يعينا على تربية أولادنا تربية حسنة و لكل وحدة دعات لها بالمثل.