شرمولة القطبان لي مكتخطانيش على طريقة الجزار للي ذبح لينا العام لي فات

سلام حبوباتي كيف راكم على خير ؟؟

أولا عواشركم مباركة مسعودة وعيدكم مبارك سعيد تعيدوا وتعاودوا ان شاء الله

هاذي طريقة قالها لينا الجزار للي جا ذبح لينا العام لي فات

كيديرها للقطبان كيجيو هائلين ولذاذ متشبعوش منهم

المهم بلا منطول عليكم حبيباتي نقول لكم الطريقة ولي هي

كتقطعي لحم القطبان وتعمليه في صحن وتحكي عليه البصلة وتزيدي زيت الزيتون والملح والكامون والفلفلة حمراء والربيع

وسكين جبير وشوية الابزار وتخلطي مزيان وعمليه في الفريكو مدة ساعة

ثم جبديه وقسميه  في ميكات ورجعيه للفريكو ووقت ما بغيتي تعملي قطبان جبدي ميكة وجدي الفاخر

وبالصحة والراحة مع شي براد اتاي بالعشوب مشحر