شحال من وحدة كتعاني من الغازات ديال المصارن..انتفاخ البطن..آلام فالبطن والظهر داكشي لاش جبت لك وصفة دقة بطلة غتهنيك وكتحيد حتى الكرش المتدلية

شحال من واحد فينا كتعاني من الغازات ديال المصارن ولي كتسبب انتفاخ البطن وآلام فالبطن والظهر، وديما كيحس الواحد بأنه كرشو عامرة

وقاصحة تقول حامل فالشهر التاسع هههه

والله هاد المشكل ديما كنت نعاني منو كرشي كتسبق فمي وكتديرلي الإحراج لي شافني ومكيعرفنيش يقول هادي فوقاش تزواج وحملات

عانيت حتى عانيت وقلبت حتى عييت حتى لقيت واحد الدواء والحمد لله من بعد مداومتو عافاني وهناني من هاذ الإحراج ومشي غير هاكا

هناتني حتى من شحوم الكرش لي كانت معذباني

إوا حبيباتي جيت اليوم نشارك معاكم احد الوصفة لي ان شاء الله غتهنيكوم حتى نتوما من هاد المشكل

أول حاجة غتعملي، فالليل غتوضغي معلقة كبيرة ديال النافع البلدي فكاس كبير وتعمريه بالماء طايب، وغطيه وخليه حتى للصباح

فالصباح كيتفيقي خودي 2 معالق صغار ديال زيت العود على الريق، من بعد ربع ساعة شربي داك الكاس ديال النافع من بعد ما تصفيه

هاد الوصفة راه غزاااااالة كتحيد حتى الكرش، وراها مجربة من بزاااف ديال الناس وشكروها بزاااف 

وفالأخير نقول ليكم الله وحده هو الشافي والله  يشافي لجميع