شحال من مرة كنبقاو نفكرو اشنو نعملو للعشا دخلي خودي هاذ الفكرة غتريحك
السلام عليكم ورحمة الله وبركاتة
يسعد صباحكم بالف خير
باختصار عزيزتي
شحال من مرة كنبقاو نفكرو اشنو نعملو للعشا
أو كنكونو غادي نقليو الحوت لي كيشد اليد
و خصنا نوجدو لي يمشي معاه
الالا عندي لي نصيحة فاش تكوني كيطبي الخبز فالفران
خودي طاوة دهنيها بالزيت
قطعي مطيشة دواور و رشيها بالملحة و شوية الابزار و الربيع الى بغيتي
ستفيها
دهني الفلفة حتى هي بالزيت و ستفيها
الدنجال غسليه و نشفيه و دهنيه حتى هو و حطيه
قد يعجبك أيضا
بينما طاب الخبز
الطاوة تكون واجدة
مطيشة بنينة و محمرة
الفلفة كتكون بحال الى مقلية نقيها و قطعيها بطريقتك
الدنجال حتى هو استعمليها كيفما حبيتي..كيكون طايب و لذيذ
و ها عشاك واجد زيدي عليه غير شي زويتينات و شي حاجة جارية
هادي نصيحة من وزارة الصحة
