شحال من مرة كنبغي نحضر شي وصفة وماكيكونش عندي اللوز أو كيجيني غالي حتى لقيت هاذ الحل

صباح الخير عليكم جميلات الموقع

شحال من مرة كنبغي نحضر شي وصفة بسطيلة او حلوى كتكون ديال اليوز ولكن ما كيكونش عندي اللوز فالدار أولا كايكون ديك ساع غالي وبثمن

لي منقدرش عليه فداك الوقيتة

حتى لقيت واحد الحل ساهل واقتصادي ولي غيعطيك طعم اللوز وبثمن معقول ومناسب

الطريقة هي

كناخذ الكاوكاو الكبير مقشر وكنسلقو واحد 10 دقائق ومن بعد كنقطرو وكنشفو ومن ثم كنقليه في الزيت

ومن بعد منين كنطحنو  كنضيف  ليه قطرات روح اللوز وكيجي رائع

ومنين كنصيب شي حاجة بيها كيجيني غير مذاق ديال اللوز وحتى حد مكيعرف بلي كاياكل كاوكاو ههه

نتنمى تجربوا الفكرة ان شاء الله وتعجبكم