شاط ليك شوية المونادا أو عصير ومغديش تستهلكيهم وفنفس الوقت مبغيتيهمش يضيعو..دخلي نقولك اش ديري بهم

سلا حبيباتي كيف راكم

جيت نشارك معاكم اليوم معلومة جديدة ونتمنى تعجبكم

بعض المرات كتشيط المونادا او العصير في القرعة و ما كنبغيوش نكبوه او نستهلكوه

بلا ما نخليوه يطول في القرعة و يخسر الحل ساهل و جد نافع

ما عليك سيدتي غير تعمري دوك البلاستيكات الخاصة بالثلج لي كتكون على شكل

مكعبات او حامضات او اي فاكهة …

و توضعيهم يتجمدو في المجمد.

ملي تبغي تنزلي المونادا او العصير مرة اخرى و خصوصا ملي تتكون سخونة شوية

يعني ما برداش و انت زربانة تستهلكيها و خى يكونو الضياف معك

جبدي دوك المكعبات و حطيهم في الكؤوس و صبي عليهم المشروب و ها انت

حصلت على مشروب او عصير من نفس النوع بارد و منعش واحسن ما تستعملي مكعبات

ديال الماء الجامدة لانه غادي يجريه ويبدل طعمه