سفة بالحليب و التفاح معسل مرفوقة بالكوكلي محمر…أكثر من رائعة

هذه السفة من تقديم الاخت أم أسامة و ايمان نتمنى لها التوفيق

 

هاد السفة سريعة التحضير وكتجي لذيذة بزاف نتمنى تجربوها وتعجبكم إن شاء الله

المقادير :

نصف كيلو كسكس

نصف ليتر حليب مسخن مزيان

شوية ملح

تقريبا 2 م ك زيت

الطريقة :

نبسبس الكسكس مع الزيت ثم نضيف عليه الحليب سحون كامل ونغطيه بالبلاستيك الغذائي مزيانونخليه تقريبا 20 دقيقة ونشوفو

غادي نلقاه تشرب الحليب كلو نفركو مزيان بيدي ونرجع نغطيه وحد 5 حتى ل 10 دقائق فهاد الوقت كنت موجدة طنجرة الكسكاس فيما ماء طايب + نصف كأس ماء الزهر+ شووية ملح + 1 فاني
وعملت فالكسكاس شوية د الزبيب وشوية د المشماش يتفورو

عملت الكسكس ديالي يفور مرة وحدة لأن ديك العملية ديال الحليب لي ضفنا فالأول كتغنيك على أنك تعاود التفويرة وهاد الطريقة كنعملها حتى للكسكس العادي
حيدت الكسكس وضفت ليه طريفات الزبدة وخلطتو حتى دابت وضفت السكر حسب الذوق والقرفة والزبيب وزينتها باللوز مقلي ومطحون

رافقتها مع كوكلي محمر والتفاح معسل