سر من أسرار أستاذي الصيني لتجديد الطاقة و علاج بعض الامراض
السلام عليكم اخواتي هذا سر قالو لي استادي لتجديد الطاقة هو عبارة عن ماساج ساهل لكن فعال
خاصكم تعرفو ان عندنا في الراس ديالنا اهم النقط . خصوصا من الخط اللي كايقسم الراس على زوج يعني من منبت الشعر الى الرقبة . و كاين خط فوق الاذن و نقط على الجبهة .
الشيء العادي هو الماساج و لكن اللس ماشي عادي و اللي هو سر هو الطريقة .
بحيث عادة كانديرو الماساج غير بشوية لكن هنا خاصنا نديرو المساج بعنف و بقوة كبييييييرة و بسرعة كبيييييييييرة حتى نحسو بالحرارة في الصباع ديالنا . بالنسبة لمنطقة منبت الشعر من جوانب الجبهة يعني من جيهة الاذن كانديرو الماساج بالكف و بالنسبة لباقي الاجزاء كانديرو الماساج بالاصابع مع الضغط و القوة و العنف في الحركة و السرعة .
كانتمنى تكونو فهمتو الطريقة انتوما ديروه لراسكم كامل ايلا كان صعيب تحددو نقط فوق الاذن . و الماساج كايكون 2 دالمرات في اليوم راه تقريبا من اليوم الثالث غادي تلاحظو ان لون عينيكم ايلا كانو ذابلين غادي يبدا كايصفا . دابا 10 ديال الليل هنا و انا كانشعكك راسي فالصباح و فالليل