سر جمال شعري…تبريمتي التي لا أستغني عنها في كل حمام

سلام عليكم

هاد تبريمة صراحة عمري نستغنا عليها وديما كل حمام كانديرها ، كاتررررررطب لي شعري بزا ا ا اف و كطولووووووو و كاتقويييييييه و لون بني غزا ا ا ا ال تبارك الله صارحة كلمة مذهلة قليلة فحقها اي واحدة كاتشوف شعري كاتقولي عطيني شنو كاديري ليه و لحمد لله ماكانبخل علا حتا وحدة و قلت نجيب لحبيباتي حتا هوما يرطبو و قويو ويطولو شعوراتهوم …
هاد لوصفة ماغاديش تفوتي فيها 15 درهم او 10 دراهم علا حساب شعرك مهم نخليكوم مع

لماقادير و فوائد ديالهوم :

معلقة ديال زاز
فوائد : ترططيييييييب و كايوازي شعر يلا كان ناشف او ميدم كايوازيه

معلقة ديال وراق سدر مطحون
فوائد : كايقويييييي بشكل رهييييب

معلقة ديال بابونج
فوائد : كايصفي لون شعر و كايعطي لون غزال

جوج معيلقات ديال لحنة
لحنة : كاتصحح زغبة و كاتنشط دورة دماوية كايولي كيطوال دغية
فهاد لوصفة حتا لي شعرها ناشف ديرها حيت فيها حتا زيت و ماكاتنشفش نهائيا نهائيا نهائيا نهائيا

وهادشي كولو غادي تخلطوه بلماء مسلوق فيه بصلة و تومة حتا يولي لماء صفر و طا ا ا ايب خلطوه وخليوها واحد 30 دقيقة طلق مزيان و ديروها لشعركوم قيلو بيها عاد غسلوها كلما بقات فشعر كل ما مزيان