رغايف مقرمشين ومعمرين بالدجاج واللوز بطريقة جديدة شهوة منهم
مقادير العجينة :
زلافة طحين الابيض
زلافة طحين قمح سبيسيال
ملح
معلقة صغيرة سنيدة
ماء دافئ
ندلكوها مزيان ومتكونش مرخوفة خاص تبقا شادة شوية
طريقتي فالتوراق غير كنفرقو بالطحين الابيض ماشي بالقمح…
الحشوة :
الدجاج
قزبور مربوط
العطرية : سكنجبير+زعفران+ابزار+ملح+عود القرفة+ معلقة صغيرة سمن+معلقة صغيرة سنيدة
زيت
كمية من البصلة مشلظة
معلقة كبيرة العسل
1 بيضة
اللوز مقلي ومهرمش مخلط مع معلقة كبيرة سكر صقيل (اختياري)
شرملت الدجاج عادي مع العطرية وبصيلة صغيرة مشلظة وطيبتو
ملي طاب حيدتو ورميت البصلة مع شوية القرفة والعسل حتا تشحرات وتعلكات وزدت بيضة باش تجمع
فتت الدجاج وزدتو على البصلة
كتحلي الرغيفة من الداخل
وكتعمريها بالحشوة وترشي اللوز
كضغطي عليها شوية وطويها على شكل مثلث
انا مع ضيق الوقت عملت الرغيفات كبار ملي عمرتهم قسمتهم على 2
كدوزيهم فوق المقلة يتكرملو شوية
و بالصحة و الراحة …