رغايف لذاذ بزاف بحشوة ساهلة وبنكهة البيتزا مع شي بريريد ديال أتاي فهاذ البرد ممم يا سلاااام

المكونات

عجينة الرغايف لي كلشي كيعرفها يعني بحال لي مولفة تصايبيها (نصف كيلو فورص مع نصف كيلو فينو مع شوية دملح وشوية دخميرة الخبز كتعجنيهم ودلكيهم مزيان ومن بعد كوريهم وحطيهم فشي بلاطو يكون فيه الزيت)

4 بصلات مشلظين مع شوية ملحة ومحرقين شوية فوق النار

شوية ديال الزعتر مطحون

فورماج ديال صوندويش

زبدة وزيت للتوراق

الطريقة

جيبي العجين وبداي تورقي ودهني شوية ديال الزبدة وبقاي تطلقي وتوزعيها عليها كاملة ، ومن بعد ديري فوسطها شوية ديال البصلة والفرماج ودردري عليها الزعتر ومن بعد طوي المسمنة وطيبيها بشكل عادي.

وبالصحة والراحة