رايب بالشكلاط كيجي رائع للسحور

بالنسبة لمقادير الرايب بالشكلاط

المقادير:

لتر حليب
ياغورت فاني
4ملاعق السكر أو حسب الذوق
قطعة شكلاط مربع ديال الحلويات

الطريقة:

في كاسرولة كانوضعو نصف لتر حليب مع الشكلاط حتى يدوب ويفيض الحليب في نفس الوقت نكونو طربنا نصف لتر الحليب البارد مع السكر وياغورت ونضيفوليه داك الحليب السخون قبل مايبرد ونحركو مزيان نكونو موجدين الماء سخون من قبل نديروه فالكوكوط تكون كاتسد بإحكام ونكبو الخليط فكيسان حسب الشكل اللي بغيتو ونكبو الماء الساخن جدا فالكوكوط ونبداو نحطو الكيسان ردو البال ماخاصش الما يدخل فالكيسان غير النصف ديالهم ونسدو عليه مزيان ونديرو السفارة ونغطيوه بشيملاية ونخليوه 6ساعات ونحلو عليه ونوضوه فالثلاجة ويالصحة والراحة