ديري هاد النصائح في بالك قبل ماتشري سبرديلة جديدة

ثاني حاجة خودي سبرديلة القديمة لي عندك ولاحظيها مزيان من الكدام والجناب ويلا بانت ليك موكولة من الجنب او لكدم ديال ليمن فعليك تشري سبرديلة جديدة بفراشة غليضة فالجهة دليمين واذا لاحظتي فسبرديلة لقديمة انها محفية وموكولة من الجهة دليسر فعليك تشري سبرديلة جديدة بفراشة غليظة وعالية من الجهة دليسر..

ثالثا منين تبغي تمشي تشري سبرديلة ختاري الذهاب فالوقت الاخير من النهار او من بعد ممارسة حصة الرياضة لان في اخر النهار ومن بعد التعب ديال النهار كامل رجلينا كيتنفخو شوية وهداك هو الوقت المناسب باش نقيسو سبرديلة ونشريوها نفس الشيئ بعد ممارسة الرياضة كيوليو رجلينا منفوخين شوية والشراء في هاد الوقت كيخلي الاختيار انسب لصحة وجمال القدمين..

هكذا كتكونو متأكدين ان معمر السبرديلة تحسو بيها ضيقة على رجليكم..

رابعا اذا كان الغرض من شراء السبرديلة هو ممارسة الرياضة في النادي او ممارسة الجري في الغابة او على الكورنيش فلازم تديو معكم نوع ديال ليبا او تقاشر لي كتلبسو دائما مع السبرديلة وتلبسوهم قبل ماتقيسو السبرديلة باش ضمنو ان القياس يكون هو هداك ..

قيسو السبرديلات بزوج وتمشاو بيهم مسافة وكذلك عملو بهم اقل حركة موالفين كتعملوها في الرياضة باش تأكدو ان السبرديلة ممزيراش ومغتأديش ليكم رجليكم لان السبرديلة ماخاصش تكون ضيقة ومخاصش تكون كبيرة لهذا حاولو تفرقو صباع رجليكم وشوفو واش كاين التيساع او لا مزيرة بدلوها..

وبصحتكم السبرديلة الجديدة

ولا تنسوني من صالح دعائكن بارك الله فيكن