ديريها لوجهك و بعد 15 يوم شوفي وجهك فالمراية صافي حليب

هاد الوصفة .غدي تخلي وجهك كي المراية و تزيل كل المشاكل الي فيها كتستعمليها 2 مرات في اليوم.من بعد 15 يوم غدي تشوفي وجهك في المراية او تبداي تقولي انا ما فحالي حد.هه
المهم تشد نصف قبيطة تاع المعدنوس كتغسليها مزيان كتديريها في كاسرونة مع كاس صغير تاع ماء معدني كتخليه حتى يغلى شوي او تضيفي ليه حفنة تاع الروز مغسول و تخليهم يغلاو شوي حتى يترخف الروز.ثم تطفي العافية تشدي خيارة صغيرة تغسليها او تقطعيها طريفات صغار بقشورها او زريعتها او تضيفيها للخليط ثم تنجري خيزو واحدة وتكرضيها كذلك طريفات صغار او تضيفيهم للخليط.تزيدي عليهم شوي ماء ورد.وتحركي كلشي وتخليه يبرد.بعد ما يبرد تجيبي المولينكس او تطحني فيها كلشي.خاص الخليط يبقى عاقد.ثم ديري الخليط في مكعبات تاع الثلج .وبعد يتجمد بداي تاخدي مكعب من الخليط او تدوزيه على وجهك صباحا و مساءا.
غدي تشوفي النتيجة بنفسك.بعد يصفى ليك وجهك غدي تبقاي تديري الوصفة غير 3 مرات في الاسبوع.