دوشتي؟؟ يا كما خصك تعاودي تجففي الحمام؟!! دخلي نوريك طريقتي لي غتهنيك من هاذ المشكل

السلام عليكم و رحمة الله و بركاته،

الموضوع عبارة عن فكرة بسيطة و ليس اختراع كما تعتقدون هههههه

الا كنتي بحالي و تيعجبك تدوشي فالحمام نقي و تيلمع من النظافة فاكيد ما

تتبغيش تعاودي الخدمة و تجففيه من اول و جديد فاش تكملي..

اول حاجة كاين اللي عنده ريدو (ستارة ديال الحمام) هي تتنفع بزاف خاصة ان الرجال

تدواشهم فيه الروينة حيت مشي هما اللي تيجففوا هههه

و كاين اللي عنده شكل عصري مدور بالزجاج

يعني الماء ما تيخرججش لبره..

و كاين اللي بحالي عنده بانيو بدون اضافات خاصة ان الستارة تتجيب لي الغمة!!

المهم اللي بغيت نقول انه كنت دائما تنرفد الهم نخرج من البانيو لانه كلشي الحمام تيتمرج

لانني تنكون باقي تنقطر! الحل اللي درت بسيييييط جدا فاش تنكمل ما تنخرج من البانيو حتى

تنشف جسمي من الماء مزياااااان يعني و لا قطرة ديال الماء ما تتخرج بره..

و بالامكان اللي بغات تحط قدام البانيو شي طابي راه كاينين مصنوعين من واحد المادة بحال المطاط..

يعني ما عندك لاش تديري الخدمة جوج المرات او اهم حاجة توصي راجلك او ولادك

على هاد الطريقة، و حطي واحد الكراطة و الجفاف  باش اللي زعلك الحمام مورا

فاش دوش خصه ينظفه باش اللي جا موراه ما يتكرهش فالدوش!!