خلطة الشعير والكمون لتخفيض نسبة السكري في الدم

أخواتي قبل ما نكتب ليكم الدواء عندي نفس الرجاء بحال المرة الماضية وهو الدعاء الدعاء قبل الدواء لأن نصف الشفاء دعاء خاصكم تكترو من الدعاء عد تاخدو الدواء وبادن الله غادي تشافاو هدا أول شيء تاني شيء دائما الالتزام بالمقادير راه الشيء لي زاد على حدو كينقلب ضدو هادي معروفة وتشريو هاد شي من أماكن معروفة وموتوق بها ماشي من عند أي واحد وصافي والان نبدأ على بركة الله :

“ملاحضة /هاد الوصفة خديتها من عند واحد السيدة ملي كنت ساكنة في الجنوب هما كيستعملوها دائما هما ووليداتهم قالو ليا راها مزيانة حتى لمرضى السكري كتقضي عليه وعطيتها لواحد السيدة وتعفات باذن الله ومنتم وأنا كنعطيها لأي واحد سمعت فيه السكار والحمد لله النتائج مرضية ”

** عبرة الشعير

** كأس الكامون الصوفي ” لعبار بكأس العنبة ”

** كأس الزعتر

** كأس آزير

** رابعة صغيرة من صرغينة الصفرة ماشي لبيضة حيت قالت ليا راها فيها 2 أنواع

** شوية الملح

** وزيت العود نخليوه حتى الأخير حيت غادي نجمعو بيه المقادير

الطريقة / غادي نحمرو الشعير ونطحنوه في الطاحونة ومن بعد نغربلوه ثم نطحنو جميع المقادير الاخرى ونغربلوهم ونخلطوهم مع الشعير ونزيدو عليهم هاديك لمليحة ومن بعد يولي المريض ياخد مثلا زلافة صغيرة ويخلطها بالزيت العود حتى تعود بحال زميطة ويفطر بها في الصباح وياخدها حتى في المساء ولكن نخلطو غير الكمية لي غادي ناكلوها ديك الساعة مشي كلشي حتى تبغيو تاكلوها عاد تخلطوها.

تنبيه ** ملي تبداو تاخدو هاد الدواء لازم تبداو تعبرو السكار مرة مرة لانه غادي يبدا يتقاد بسرعة وخصوصا الناس لكيضربو لانسولين ضروري يعبروه وملي يتقاد يستاشرو الطبيب تاعهم باش يحيدها ليهم من بعد ماغادي يدير ليهم التحاليل طبعا اللهم اني قد بلغت.