دنجال مبخر ومعمر بالكفتة والفروماج

دنجال معمر من الوصفات اللي كتحمقني
المكونات:
دنجال حسب عدد الافراد
ربيع مقطع
فصوص من الثوم
ماطيشة محكوكة
تحميرة
كامون
ابزار
ملح
كفتة او صدر الديك الرومي مفطع
سودانية
زيت الزيتون
صلصة جاهزة
فروماج احمر محكوك
الطريقة :
كناخدو الدنجال نغسلوه ونقسموه على زوج فالطول ونحيدو اللب اللي لداخل ونديروه يتفور
فمقلة نشحر كفتة ولاداند مقطع صغير ونزيد عليه لب الدنجال مقطع والربيع والثومة محكوكة وماطيشة محكوكة والتحميرة والكامون والابزار والملح واللي عزيزة عليه لحرور يزيدو ونزيد زيت الزيتون وشوية دلاصوص طوماط ونطيب كلشي مزيان بحال الزعلوك ونحطو فالدنجالات الخاويين ونحك فوقو الفرماج ونديرو فالفران غير يذوب الفرماج
اللي بغات دير لاصوص طوماط فالمول عاد تحط الدنجالات ديرو وبالصحة والراحة