دخلي نوريك سر ديالي باش كيجي كسكسو بنين ولي داقو يشكرني عليه

مجلة يا لالة كتقدم ليك طريقة تحضير قصيرية الكسكسو الدكالية من الاخت اناقة كزاوية جزاها الله كل خير، وسر ديالها باش كيجي بنين.

مقادير الكسكس

كيلو لروب لحم البقر

كيلو لروب سميدة الكسكس

كيلو لروب مطيشة

نصف كيلو بصلة

4 خيزوات

2 حبات كرعة خضرا

نصف كيلو كرعة حمرا

واحد طرف سلاوي كان عندي

شوية قزبر

قد يعجبك أيضا

خبيزات الفطور فالكوكوط

طريقة تحضير دجاج كنتاكي وصفة مجربة

طريقة عمل صدور دجاج دايت

فلفلة حارة

شوية سمن

ملح ابزار سكنجير وخرقوم بلدي واصطناعي

واحد طرف سلاوي كان عندي

ربع كاس زيت

طريقة تحضير الكسكس

اول حاجة كنقلي اللحم مع زيت وخرقوم وملح كنخليه يتشحر مزيآآآان قد ماتقلى قد ما كيجي بنينو هدا اول سر البنة

دخلي نوريك سر ديالي باش كيجي كسكسو بنين ولي داقو يشكرني عليه

من بعد كنضيف البصلة مقطعة على طول ونخليها تتشحر حتى هي مزيان

حتى تدبل وتولي فحال هكا

من بعد كنضيف مطيشة منقية ومقطعة وقبيطة قزبر

ونخليها تتقلى حتى هي حتى تدوب وتولي خاترة وقد ماكانت كثيرة قد ما جا كسكسو بنين عاد كنضيف العطرية وشوية سمن نحرك شوية

تم كنضيف الماء1 l ونغلق ونخلي اللحم يطيب شوية ربع ساعة عاد كنضيف الخضرة لكتبغي طياب كتر خيزو سلاوي حيث هما لكانو عندي

وكنبدا نكسكس في سميدة طبعا طريقة معروفة

اهم حاجة ان في كل فورة لازم نخليوها تفور مزيان حيت قد مافارت قد ماكتشرب الماء وكتجي منفوخة ورطبة ومانديروش ليها زيت حتى لفورة الآخيرةونسقيوها سخونة بلى مانبردوها وبلى مانخفو من الماء باش ماتجيش عاصية والماء معزول عليها

كنفورو الآولى والتاني

وكنرميو القرعة حمرا وخضرا وفلفلة حارة ونخليها حتى يدخلها طياب عاد نرميو الفورة الآخيرة بعد مادهنها بزيت العود وقبل مانرميها كندوقو الى ناقصة شي حاجة من لعطرية كنزيدوها