دخلي نوريك بالصور كيفاش صبنت زربيتي بأقل من لتر ديال الماء وفي وقت لا يتجاوز نصف ساعة

السلام عليكم كيفكم الحادكات كون راه كلشي كايتسائل اواه هادي كيدارت ليها ههههههه ايا ا ا ا ا اه كلشي ولا ممكن من بعد معاناتي الكبيرة مع تصبين الزرابي ولي كان فاتلي حطيت موضوع في هاد القسم على ودو ولكن الان الحمد لله لقيت الحل شريت nettoyeur a vapeur(موجودة في محلات الأدوات الكهربائية و في الإنترنت و كتدير 700 حتى ل 1000 درهم) وهادي المرة الثالتة لي كنصبن بيه وقلت نشارككم تجربتي والنتيجة يا سلام اكثر من رائعة نخليكم مع الصور والشرح هادو صور خديتهم للزربية قبل ماتصبن

اول حاجة كاندوز l’aspirateur باش نضفها من اي حاجة طايحا عليها

ندوز ليكم للمهم هادي هيا لالة مولاتي ههههه والبرودوي لي كانضيف ليها والماء فيها بلاصة كانخوي فيها الماء وبلاصة ديال البرودوي لي خاص بتصبين الزرابي صافي اوكانشعلها ونتسنا شويا على ماحولات الماء لبخار ونبدا نصبن بيها ساهلا ماهلا بحالا كاندوز لاسبيراتور والبلاصة لي دازت عليها كاترجعها كاتشعل مني كانسالي التصبين كاندوز لاسبيراتور مرة اخرى ونفتح السراجم تنشف اصلا كاتنشف دغيا اوا دابا متعو عويناتكم بالنقاوة بلا عذاب والمهم هوا الاقتصاد في الماء