دخلو نتعاونو على الزمان بهاد التجارب من حادكات مغربيات

حبت ليك يا لالة أفكار وتجارب مهمة من حادكات مغربية غتساعدك فتدبير منزلك والتحكم بميزانيتك.

نعجن ف دار حتاش خبز زنقة غالي
دجاج نخد منو بزاف مني يكون رخيص ونخزنوا فلفريكو
ندير لكنفتير ف دار كيتقام رخيص
فرماج نخد العايلي حتا هوا نوفرو منو
لي بردوي د مناج نقسمهوم علا 2 و نزيد فيهم لما كيعتيو نفس المفعول ، و نزيدو فيهوم شويت تيد
لحوج يتسلحو ف دار هنتي وفرتي
لحمام نحكو بحدنا ا حنا قتصدنا 40درهم هيا لقليلا ..

لميناج نديرو بوحدي منحتاجش لشي مرا تعاوني
نتقدا من الهري مرة في الشهر ونبتعدوا على اصحاب التقسيط والمحلات التجارية الكبرى
الخضرة تشرا عشية كتكون شوية رخيصة على الصباح
الكهرباء نستعملوا الفولات الاقتصاديين
البوتاغاز نخاولوا ما امكن نقصوا لها في الطياب لان الغاز كيستهلك غي في الخوا وحتى الطياب كيجي بنبن مين يطيب على نار مهيلة.
الفرن الكهربائي نستعملوا غي وقت الضرورة ونستعمل فران الغاز ومين نخبز الخبز متلا ونكمل يكون الفران سخون نغتنم الفرصة ونطيب الكيكة
التسياق مرة في السيمانة كافية ونكتفيوا بالجفاف في الايام الاخرى
غسيل المواعن نعمروا الماء في 2 البانيوات ونغسلوهم وحدة للغسل والاخرى للتشلال ومرة مرة نبدلوا الماء
ضامة البنة نستغناوا عليها حيت ماشي صحية او نستعموا غي نصف او ربع ضامة
الة الغسيل نحاولوا ماامكن نقللوا من استعمالها 2 او 3 مرات في الاسبوع كافية حتى نجمعوا الكسوة عاد نشغلوها

نزيدكم حجا انا مني كيعطني رجلي المسروف كنتقدا لي خصني لشهر سكر+فرماج+ دقيق+اتاي+زيت+قطنيات+دجاج+لحم+خضر….. او لي شاط من فلوس كنقسمو علا عدد الايام لي شاط داك نهار من سير كنخبيه 5درهام او 20 ….. و نفس ديكور لغد ليه و فلخر ديال شهر كنقلب لبواط لي فيها كنخد.

 

كنزيد الماء مع جافيل و لاسانيكروى.

دايرا صنيديقة كل مرة كلوح فيها لي كاين يا درهم يا جوج يا خمسة…و دايراها حتى لولادي فأخر السنة الدراسية كيشرو بيها لي بغاو .

كنستعمل البوطة الصغيرة بزاف كنخلي البوطة لكبيرة غير لطياب أنتبهي إلا عندك أولاد صغار من البوطة الصغيرة لايتكب عليهم شي حاجة.

دايرا بولات اقتصاديين.

الماء لي كيخرج من الماكينة ديال الصابون كنحطو فطواليط لي كان فيها حاشاكم كيخوي الماء ديال الصابون منها ريحة الصابون فطواليط و منها توفير الماء.

كنشري الشمبوان الحجم الكبير.و ما كنتقداش من مرجان وما جاوره.

او نزيدكم لحوت او دجاج يتحمرو فل فران منها توفير زيت وو صحة ونا لما ديال لمشين كنجفف بيه دار معا فيه تيد كي رد دار كتشعل.