دخلوووووووووووووووو بززربا جبت ليكم السر ديال نقاء وصفاء البشرة ديالي والله تترحمو عليا

السلام عليكم ورحمة الله تعالى وبراكته

ايوا كييف دايرين  كولشي بخييير؟؟ حبيباتي اليوم قررت انني نشارك وللاول مرة فهاد القسم ديال البشرة، وكنتمنى نفييدكم بالوصفة ديالي وباش يكون في علمكم انها مجربة مني شخصيا.
الموهم احبيباتي كتعرفو مع الخدمة والقرايا وتمارة مكنشدو ديك العطلة حتى يولي وجهنا شاحب مافيه مايتشاااف
وخصوصا الى زدنا كمللناها بشي تبحيرة هي هاديك كنوليو كي الشقفة ههههههههههههههههههههههه
المووهم انا هاد الوصفة كنستعملها من زمان وكل مكوناتها طبيعية ومفيدة البشرة ومتوفرة فكل بيت و النتاائج ديالها
كتصفي الحبوب وكتحيد السمورية ديال الشمس وتزيل اثار حب الشباب و حتى اللي عندها جروح قديمة ديال الصغر
و كتبييييض و كترض الحنيكات حمرين، والله العظيم وربي شاهد عليا اخواتاتي الا فاش كنتبعها كاع صحباتي كيسولوني اشدرت لوجهي و النتيجة كتبان من اول اسبوع.
والموهم بلا منطول عليكم الوصفة هي هادي والعبار بملعقة صغيرة:

م ديال دقيق الشعير مطحون
م ديال الحلبة مطحونة
م ديال الفول او الحمص اللي كاين مطحوون
م ديال نيدو
ونخلط كولشي بماء الورد

كتغسلي الوجه قبل الماسك و تفركيه بالصابون اللي كتستعملي ديما وحبدا يكون صابون الطوس او المنجل لانه طبيعي
وكتخلطي الماسك وتوضعيه على وجهك لمدة 15 دقيقة وقد ما طولتي قد ما احسن يعني من الاحسن تخليه شي نصف ساعة
و منبعد غسليه غير بالماء ديال الروبيني،  انا كنستعمل الوصفة يوميا منين كانسالي الشقاا هههههه انا وماما والله العظيم يلا بحرا غسلتو وانا كنكتب ليكم الوصفة وماما جالة مورايا مكسلة و دايراه مكنفلتوش بصراحة لانه هو السر ديال نقاء البشرة ديالي والكل كيسولني واللي عطيتو ليه كترجع تشكرني من بعد مابانت عليها النتيجة تاهيا.
وكنتمنى يفيدكم تانتوما و اي استفسار انا موجودة.