دجاج مشوي بالتوابل و البصل مع صلصة الياغورت بالثوم و الليمون…بطريقة مفصلة
اليك سيدتي طريقة تحضير دجاج مشوي مع صلصة الياغورت العجيبة من ليلى أم صلاح الدين
المقادير :
الدجاج +البصلة + تومة +قزبور و معدنوس + شوية ديال لزيت البلدية+ ملح+ ابزار +كمون +تحميرة +شوية ديال القزبور يابس مطحون
الطريقة
تناخدو الدجاج و نفلحوه مزيان باش تدخول ليه شرمولة
تناخدو البصلة مشلظة او محكوكة+ تومة محكوكة +قزبور و معدنوس + شوية ديال لزيت البلدية+ ملح+ ابزار +كمون +تحميرة +شوية ديال القزبور يابس مطحون
تانخلطو شرمولة
و نشرملو بيها الدجاج مزيان و نخليوه من الاحسن يبات فهاد الشرمولة
من بعد نشويوه فالفران او المجمر او الشواية
وهاهو بالصحة و الراحة انا رافقتو مع الصلصة ديال اليوغورت مع وليداتي تايحماقو عليها ههه
صلصة اليوغورت تانحتاجو لها : يوغورت طبيعي مسوس+ سن ديال التومة محكوك رقييييق + معلقة صغيرة من عصير الحامض + معلقة صغيرة من الزيت + ملح + إبزار +شوية ديال الماء باش نطلقو اليوغورت شوية
الطريقة :
نخلطو جميع المقادير و ها الصلصة ديالنا واجدة
