دجاج محمر بالفريت من أروع ما يكون من يدي الاخت عائشة كنون

نقدم لكم اليوم متتبعاتنا العزيزات الدجاج محمر بطريقة الاخت عائشة كنون

وجدت الشرمولة فيها الحامض مصير مقطع طريفات،والملح والبزار،سكينجبير خرقوم 2 ضامات الزعفران الحر،2 معالق موطارد وشوية الزيت شوية الماء خلطيهم مزيان وشرملي بيهم الدجاج وخليه فالثلاجة ليلة كاملة.

فاليوم التالي طحنت 5 بصلات متوسطين وزدت عليهم نص كاس زيت ودرتهم فطاوة الفرن وفوقهم الدجاج وغطيتهم بالالومينيوم،خليتهم نصف ساعة على نار مجهدة ونقصت درجة الحرارة وحيدت الالومينيوم وخليتهم 40 دقيقة اخرى.

منين وجدو حيدت الدجاج ودرتو فطاوة اخرى اما المرق درتو فطنجرة وضفت ليه نص كاس زيت وقشاوش الدجاج وخليت كولشي يغلي مزيان حتا تتدغمر المرقة ويطلع الزيت لفوق .صفيت الزيت واحتفظت فقط بالدغميرة.

الدجاج دهنتو بالزبدة ودخلتو يتحمر وقدمتو مع الفريت.