دبانة يلا عندك في الدار مع هاذ الطريقة متخليهاش دور باقي فيها بلا دوا وبلا تمارة

قريت واحد الطريقة ساهلة تخلى الدبان ميدورش في الدار

بلا متحتاجي ترشي دوا الذبان لي كتخنق ريحتو وبلا محاين

الدبان كثر ورجع مشكلة وخصوصا مع هاذ الحرارة

مثلن كان السرجم مفتوح ودخلو 2 او 10 هههههههه

او كنتى في نزهة وتقهرتي انتى وراجلك ووليداتك بالدبان تيدور عليكم وانتومة جالسين

المهم طريقة واعرة وساهلة

طراف حامضة ودوك الطريفات نتكوهم بعواد قرنفل

واللى طرح الوصفة قاااااال راه ريحة القرنفل كتخلى الدبان يهرب ومباقيش تشوفيه يدور من حولك

ماشي طريقة ساهلة هادي

انا ايلا جاب الله نسيت السرجم مفتوح في جوايه المغرب ودخلات دبانة مكننعسش تى نقتلها وطريقتي في القتل

كنطفى ضوء الغرفة باش يبقى ضوء البيسي بوحده وديك الوقت كتمشي بالطبع للظوء وارى عطيها دقة متعاودش تنووووووووض