خلي راجلك أو خطيبك أو صحاباتك يحماقو على ريحتك ونعومة وبياض جسمك فينما دوزي من حداهم ويسولوك اش دايرة

سلام حبيباتي جبت ليكم واحد لالة مولاتي طريقة تخلي جسمك نقي ورطب وبيض وريحتو حامااااااااق تهبل كل من داز من حداك

وميطلق منك حتى يعرف سرك وشنو دايرة

المهم بلا منزيد نطول عليكم نقوليكم الخطوات ونتوما تبعوها معايا من الأول حتى الأخير

أول خطوة غادي الديريها هي غتدهني جسمك كاملو بالصابون البلدي وتبقاي بحال يلا كتديري مساج

ومن بعد البنات لي كتمشي الحمام بصحتها وراحتها تجلس شوية فالبخار وتخلي المسام يتفتحو

بالنسبة للناس لي كتفضل الدار غادي طلقي الماء سخون وخليه وهاكا غادي تحصلي على البخار

اوا من بعد منين تعرقي شوية بداي تحكي بالكيس وحيدي أكثر قدر ممكن ديال الجلد الميت

من بعد غادي تكون سبق ليك موجدة هاذ المقشر ولي فيه مقدار ديال السكر وعصير الليمون وشوية ديال زيت اللوز ، خلطيهم مزيان وبداي تديري بيه حركات دائرية من رجليك حتى تكملي كامل الجسم ديالك.

من بعد غسلي مزيان واراك للماسك لي غيخلي ريحتك مكاينش بحالها ولي غادي تكوني موجداه قبل وغتحتاجي فيه لقشر البرتقال ولي غتحكيها وديريها فصينيا ديال الفرن وتخليها ربع ساعة وتكون العافية قليلة ومن بعد طحنيه، وزيدي عليه قطرات من دهن العود أو زيت عطري بحال زيت الورد أو الياسمين ، وزيت اللوز وماء الورد ، وخلطيهم مزيان وديري هاذ الخلطة على الجسم ديالك وخليه لمدة 15 دقيقة ومن بعد غسلي جسمك.

واخر خطوة رشي شوية ديال ماء الورد

صدقيني والله مور هاذ الخطوات مغتحتاجيش انك تحطي العطر

نخليك مع هاذ  الفيديو

 

 

https://www.youtube.com/watch?v=Qmro4ZbjVtQ

قد يعجبك ايضا
اترك تعليقا