خلطة عصير البطاطس والعسل للتخفيف من آلام المعدة والحرقة

بزاف ديال الناس كيعانيو مع مرض المعدة والألام داكشي لاش جيت نشارك معاكم واحد الوصفات والله مجربة ورائعة

غتهنيك من هاذ المشكل بإذن الله

أول وصفة هي

العسل

غتاخدي مقدار معلقة صغيرة وتناوليها قبل الفطور

الوصفة الثانية

البطاطس

غادي تشدي حبة بطاطس وتطحنيها فالطحانة لي تترجعها ماء او تحكيها و تعصري الما ديالها

و شربيها وان شاء الله يفوتك الحال بسرعة

الوصفة الثالثة

خذي اسكنجبير طري و حكيه فالحكاكة الرقيقة و ديريه فالماء وبقاي تشربيه على طيلة اليوم

واخا حار شوية وماتجي تدوز ديك الساعة لي تشربيه غادي تحسي بالالم زال ان شاء الله

الوصفة الرابعة

خدي قشرة الرمان طحنيها مزيان وغربليها مزيان و بقاي تاخدي 1 ملعقة صغيرة في الصباح قبل الفطور ب 20 دقيقة مدة 3 أيام

راها طريقة مجربة بالشفاء إنشاء الله

الوصفة الخامسة

ديري الزعتر فشي كاس خاوي وزيدي عليه الماء طايب وغطي بشي طبسيل وخليه حتى يبرد وعاد شربيه راه مفعول ديالو رائع

ممكن تاكلي معليقة ديال الحبة مطحونة مع كأس ديال الماء حتى هي وصفة رائعة ومجربة من بزاف ديال الناس