حوتة معمرة بالروز مشرمل و الكروفيت…شهيوة معتبرة

سلام عليكم اخواتي  هادي صينية ديال لحوت معمر بروز ولقمرون سهلة وبنينة

المقادير و الطريقة

نحتاج لخيزو وبطاطا مسلوقين ،

نوجدو شرمولة ديل لحوت عادية فيها لقزبر ولمعدنوس مكردين

ثوم محكوك البزار لملح تحميراة كمون، عصير لحامض

نخلطو شرمولة نقسمها على 3 ،

شوية نشرملو بها خيزو وبطاطا هما لولين نستفهم فلاتة ، شوية نشرملو بها لحتى من لدخل وبرا ، وشوية نشرملو بها روز المسلوق لغادي نعمرو به لحوتة ديالنا ، نعمرو لحتى بروز لمشرمل

نشحر لكروفيت ف شوية زبدة ملح بزار نحوه فوق لعمارة ديل روز ،

دابا نجيبو فلفلة نقطع دوائر هي وماطيشة نستفهم فوق سمكة ديالنا ، نصاوب شوية صوص ديال ماطيشة نزيد عليها دكشي لشات لينا من شرمولة ونخويها فوق كلشي ، وفي الاخير نزينو بدوائر لحامض

وإلى الفرن ، بالصحة والراحة