حليب و زيت الكوك لي كنصايب فداري بثمن رخيص رجعلي الشعر حريير أحسن من الترطيبة

هالطريقة للامانة منقولة جربتها اليوم والحمد لله خرجات لي زويتة الكوكو طبيعية مئة بالمئة بدون اي اضافات لي ماكنعرفوهمش اصلا اشنو هما ههه استعملت حبة وحدة كبداية نخليكم مع الصور

هنا قسمت الحبة طريفات باش تسهال عليا ونقدر نتحكم فيها

هنا بعد ما قشرت هداك القشرة القهوية الرقيقة وخليت غير اللب
من بعد بخيتو تحكوه انا طحنتو

من بعد نكبو عليه ما طايب عينك ميزانك مهم مايجيش جاري بزاف على حساب الكمية وكنخلوه شويا حتى يبرد

من بعد كنعصروه مزيااان حتى كنحصلو على حليب الكوك

كنصفيوه وكنديروه في مقلة على نار مهيلة

كنخلوه مده مع التحريك حتى كيبدى يغلى وشويا بشويا كيبدى يقلال


هنا كنخلوه مزال يغلي مع التحريك والا لاحضتو بدات متبان لينا الزويتا

كنخلوه حتى كتقلال الكمية بزاااف وكنصفيوه

من بعد كنحصلو على كمية لابٲس بيها من الزويتة طبيعيا كيف ماقلنا وكل ماكان عدد الحبات اكتر خنحصلو على كمية اكتر من الزيت