حلوة زمان ديال السيكار لي كتباع فالمخبزات معمرة بكريمة الزبدة

حلوة المخاخ  او السيكار

العجينة

250غ مارغارين
200غ سكر قلاصي
500غ فرينة
رشة ملح
فاني
حبة بيض+صفار

كريمة الزبدة

120غ سكر+فنجان ماء +عصرة حامض +2بيض+قرصة ملح+250غرام زبدة +نسكافي وشوية شكولا ذائبة

الطريقة

نخلطو المارغارين+السكر حتى نتحصلو على كريمة ثم نضيفو الفرينة ونحكوها مع الزبدة حتى نتصلو على خليط مرمل ثم نلموه بالبيض …نترك العجينة ترتاح فالثلاجة ربع ساعة
نرشو الفرينة ثم بالحلال تحلو القطعة من العجينة على الطول و نروليها على مول ونقسم بالموس هكدا حتى نكمل باقي العجينة ..نوضعهم في سنيوة على الجهة الي غلقناهم ونضغط مليح باش مايدوروش فالفرن ويتخسر الشكل..نطيبوهم في فرن مسخن مسبقا 180 درجة ..غير تخرجيهم من الفور يستحسن تنحيهم من لي مول راح يتنحاو بسهولة
طريقة تحضير كريمة الزبدة
السكر+فنجان ماء +عصرة قارص نوضعوهم في كسرونة على نار مدة حوالي 10د حتى نتصلو على سيرو
في هذه الاثناء نطلعو البيض +قرصة ملح مليح حتى يبيض الخليط ..نطفو على السيرو وهو سخون (باش البيض يطيب) نفرغوه بالتدريج على البيض والباتور يدور حتى يتضاعف الحجم
ثم نضيفو لابال بشوية ونخلطو حتى نتحصلو على كريمة خفييييييفة ممكن تنكهوها حسب الرغبة انا هنا درت غير شوية شكولا ذائبة ونسكافي …وحطوها فالثلاجة تشد روحها شوية
نعمرو لي سيقار بلكريمة بلابوش ثم نغطسو الجوانب بالشكولا
استخدمت هاد البات قلاصي ولا ماركة موكا تاني مليحة
نذوبوها فحمام مريم ولا فالميكرووند ثم نضيفولها الماء بشوية راح تبانلك خسرت وتكعبرت ابقاي حركي وصيفي شوية ماء حتى تتحصلي على قلاصاج لونو غامق وسهل الاستعمال